આઈપીએલ-2025માં આજે પંજાબના ઢાકા સ્થિત મુલ્લાંપુરના મહારાજા યાદવિન્દ્ર સિંહ ઈન્ટરનેશનલ ક્રિકેટ સ્ટેડિયમમાં ક્વોલિફાયર-1 મેચ રમાઈ હતી, જેમાં રૉયલ ચેલેન્જર્સ બેંગલુરુએ પંજાબ કિંગ્સને હરાવીને 9 વર્ષ બાદ ફાઈનલમાં પહોંચી ગઈ છે. પંજાબની ટીમે આજની મહત્ત્વની મેચમાં ખરાબ પ્રદર્શન કર્યું હતું અને ટીમ માત્ર 101 રનમાં ઓલઆઉટ થઈ ગઈ હતી, ત્યારે બેંગલુરુની ટીમે 10 ઓવરમાં બે વિકેટે 106 રન ફટકારી પંજાબ સામે 8 વિકેટે વિજય મેળવ્યો છે.

પંજાબ તરફથી ઓપનિંગમાં આવેલા પ્રિયાંશ આર્યએ સાત રન, પ્રભસિમરન સિંહે 18, જોશ ઇંગ્લીસે 4, સુકાની શ્રેયસ ઐયરે 2, નેહલ વાઢેરે 8, માર્કસ સ્ટોઇનિસે 26, શશાંક સિંહે 3, મુશીર ખાને 0, અઝમતુલ્લા ઓમરઝાઈએ 18, હરપ્રીત બ્રારે 4 અને કાયલ જેમીસન અણનમ 0 રન નોંધાવ્યા હતા.

બેંગલુરુના બોલરોની દમદાર બોલિંગના કારણે પંજાબની ટીમ સસ્તામાં ઓલઆઉટ થઈ ગઈ હતી. જોશ હેઝલવુડ અને સુયેશ શર્માએ 3-3 વિકેટ ખેરવી હતી, જ્યારે યશ દયાલે બે, ભુવનેશ્વકુમાર અને આર.શેફર્સે 1-1 વિકેટ ઝડપી હતી.

બેંગલુરુએ માત્ર 10 ઓવરમાં બે વિકેટે 106 રન નોંધાવી જીત મેળવવાની સાથે ફાઈનલમાં એન્ટ્રી મેળવી લીધી છે. બેંગુલુર તરફથી ઓપનિંગમાં આવેલા ફિલ સોલ્ટે 27 બોલમાં છ ફોર અને ત્રણ સિક્સ સાથે અણનમ 56 રન નોંધાવ્યા હતા. ત્યારબાદ વિરાટ કોહલીએ 12, મયંક અગ્રવાલે 19 અને સુકાની રજત પાટીદારે અણનમ 15 રન નોંધાવ્યા હતા.