થાઈલેન્ડના ફૂકેટમાં રિસોર્ટમાં ભીષણ આગ, 11 લોકોના કરુણ મોત, 16થી વધુ ઈજાગ્રસ્ત
November 16, 2026
થાઈલેન્ડના લોકપ્રિય પ્રવાસન સ્થળ અને દક્ષિણી રિસોર્ટ ટાપુ ફુકેટમાં વહેલી સવારે એક કોમર્શિયલ બિલ્ડિંગમાં ભીષણ આગ ફાટી નીકળતાં અફરાતફરી મચી ગઈ હતી. આ દર્દનાક દુર્ઘટનામાં ઓછામાં ઓછા 11 લોકોનાં મોત નિપજ્યાં છે અને અંદાજે 16 જેટલા લોકો ઘાયલ થયા હોવાના અહેવાલો સામે આવ્યા છે. ઘટના સમયે મોટાભાગના લોકો ગાઢ નિંદ્રામાં હોવાથી તેઓને પોતાની જાતને સંભાળવાની પણ તક મળી ન હતી.
સ્થાનિક સમય અનુસાર વહેલી સવારે આશરે 3:17થી 3:20 વાગ્યાની આસપાસ ફુકેટના પશ્ચિમી કિનારે આવેલા પ્રખ્યાત પાતોંગ બીચ નજીકના 'ફાંગ મુઆંગ સાઈ કોર રોડ' સ્થિત એક કોમર્શિયલ બિલ્ડીંગમાં આગ લાગી હતી. આ ઇમારતમાં વાહનો ભાડે આપવાનો વ્યવસાય ચાલતો હતો. આગ એટલી વિકરાળ હતી કે જોતજોતામાં તે ઝડપથી ફેલાઈ ગઈ હતી અને આસપાસની અન્ય ઇમારતોને પણ પોતાની ચપેટમાં લઈ લીધી હતી. ઘટનાની જાણ થતાં જ ફાયર બ્રિગેડની ગાડીઓ તાત્કાલિક ઘટનાસ્થળે પહોંચી હતી. ફાયર ફાઇટરોએ અંદાજે 40થી 50 મિનિટથી લઈને બે કલાકની ભારે જહેમત બાદ મોટા પાયે અભિયાન ચલાવી આગ પર સંપૂર્ણ કાબૂ મેળવ્યો હતો.
પોલીસ દ્વારા ન્યૂઝ એજન્સીને આપવામાં આવેલી માહિતી મુજબ, આ દુર્ઘટનામાં ભોગ બનનાર લોકોમાં કોઈ પણ વિદેશી પ્રવાસી (ટુરિસ્ટ) સામેલ નથી. પ્રાથમિક અહેવાલો અનુસાર, 16 ઘાયલોમાંથી 15 થાઈ નાગરિકો હતા, જ્યારે એક વ્યક્તિ મ્યાનમારનો રહેવાસી હતો. તમામ ઘાયલોને તાત્કાલિક સારવાર અર્થે નજીકની હોસ્પિટલોમાં દાખલ કરવામાં આવ્યા છે.
પાતોંગ જેવા ભીડભાડવાળા અને લોકપ્રિય પ્રવાસન વિસ્તાર નજીક આટલી મોટી આગ લાગવાની ઘટનાએ સ્થાનિક તંત્રની ચિંતા વધારી દીધી છે. હાલ સ્થાનિક વહીવટી તંત્ર અને પોલીસે આગ લાગવા પાછળનાં ચોક્કસ કારણો જાણવા માટે ઊંડાણપૂર્વક તપાસ શરૂ કરી દીધી છે.
Related Articles
UAE માં 23 વાહનો વચ્ચે ભયંકર અકસ્માત, 14ના મોત, મૃતકોમાં એક ગુજરાતી સહિત 4 ભારતીયો સામેલ
UAE માં 23 વાહનો વચ્ચે ભયંકર અકસ્માત, 14...
Nov 16, 2026
અમેરિકામાં એર ટ્રાફિક કંટ્રોલ ફેલ થતાં મોટું હવાઈ સંકટ, 4 કલાકના 'ગ્રાઉન્ડ સ્ટોપ' બાદ સેવાઓ બહાલ, 11 હજારથી વધુ ફ્લાઇટ્સ પ્રભાવિત
અમેરિકામાં એર ટ્રાફિક કંટ્રોલ ફેલ થતાં મ...
Nov 14, 2026
નેધરલેન્ડમાં માઈક્રોસોફ્ટના ડેટા સેન્ટરમાં દેખાવકારોનો હુમલો-તોડફોડ
નેધરલેન્ડમાં માઈક્રોસોફ્ટના ડેટા સેન્ટરમ...
Nov 08, 2026
મધ્ય પૂર્વમાં નવો તણાવ ઃ યમનમાં સાઉદીની એરસ્ટ્રાઈક, 33 લોકોના મોત
મધ્ય પૂર્વમાં નવો તણાવ ઃ યમનમાં સાઉદીની...
Nov 08, 2026
જાપાન ફરી 5.7ની તીવ્રતાના ભૂકંપના આચંકાથી ધણધણ્યું, 22ને ઈજા
જાપાન ફરી 5.7ની તીવ્રતાના ભૂકંપના આચંકાથ...
Nov 08, 2026
ઈઝરાયલમાં આઈઝનકોટને સરકાર રચવા રાષ્ટ્રપતિનું આમંત્રણ
ઈઝરાયલમાં આઈઝનકોટને સરકાર રચવા રાષ્ટ્રપત...
Nov 08, 2026
Trending NEWS
08 November, 2026
08 November, 2026
08 November, 2026
08 November, 2026
08 November, 2026
07 November, 2026
07 November, 2026
06 November, 2026
05 November, 2026
04 November, 2026