સામગ્રી :
500 ગ્રામ ખાંડ, 1 કિલોગ્રામ મોળું દહીં, એક કેરી, 200 ગ્રામ રબડી, ઈલાયચી, બદામ-પિસ્તાં (કતરેલાં), કેસર ઈચ્છા મુજબ

રીત :
દહીંને રાત્રે એક ઝીણા કપડામાં બાંધીને લટકાવી દો. તેની નીચે એક તપેલી મૂકી દો, જેથી કરીને આખી રાતમાં દહીંનું પાણી નીતરી જાય. હવે સૌ પ્રથમ એક પાકી કેરીને છોલીને કાપી લો અને મિક્સરમાં ફેરવી લો. હવે પાણી નિતારેલા દહીંમાં ખાંડ ભેળવી લો. આ મિશ્રણમાં કેરીનો રસ મિક્સ કરી દો. આ મિશ્રણને પાતળા કપડાથી ગાળી લો. તેમાં રબડી મિક્સ કરો. ઈલાયચી, બદામ-પિસ્તાં વાટીને તેમાં કેસર નાંખો અને મિશ્રણને સારી રીતે મિક્સ કરી ફેંટી લો. હવે ફ્રીઝમાં ઠંડું કરવા મૂકો. સ્વાદિષ્ટ માવામિશ્રિત મેંગો મઠો સર્વ કરો.