પાકિસ્તાન સુપર લીગના 11મી મેચમાં મુલતાન સુલતાન્સની ટીમે રસાકસીવાળી મેચમાં કરાચી કિંગ્સને 3 રનથી હરાવી મેચ જીતી લીધી હતી. આ મેચમાં મુલ્તાન સુલ્તાન્સના કેપ્ટન મોહમ્મદ રિઝવાને તોફાની ઈનિંગ રમતા 64 બોલમાં 10 ચોક્કા અને 4 છગ્ગાની મદદથી ધમાકેદાર 110 ફટકારી અણનમ રહ્યો હતો. રીઝવાને 60 બોલમાં સેન્ચુરી પૂરી કરી હતી. આ રિઝવાનની પીએસએલમાં પહેલી સદી છે.

રિઝવાને તેની ધમાકેદાર ઈનિંગમાં એક ખાસ કમાલ કરી બતાવ્યો હતો. તેણે 50થી 100ના સ્કોર સુધી પહોંચવા માટે માત્ર 18 બોલનો સામનો કર્યો હતો. આ પીએસએલના ઈતિહાસમાં કોઈપણ પાકિસ્તાની બેટ્સમેન દ્વારા સૌથી ઝડપી 50 થી 100 રન બનાવવાનો રેકોર્ડ છે. રિઝવાનની આ T20માં બીજી સદી છે. આ પહેલા T20 ઇન્ટરનેશનલમાં પણ રિઝવાને એક સદી ફટકારી હતી. રિઝવાન હાલમાં આ સિઝનમાં 109.66ની એવરેજ અને 144ના સ્ટ્રાઈક રેટથી 329 રન સાથે સૌથી વધુ રન બનાવનાર બેટ્સમેન છે.