MiG-29માં ઈઝરાયલી મિસાઈલ રેમ્પેજ લગાવવાની યોજના

મિસાઈલ રેમ્પેજ હવાથી જમીન પર એટેક કરનારું સ્ટેન્ડઑફ વેપન

દિલ્હી- ભારતીય વાયુસેના પોતાના લડાકૂ વિમાન MiG-29માં ઈઝરાયલી મિસાઈલ રેમ્પેજ લગાવવાની યોજના બનાવી રહ્યું છે. આ હવાથી જમીન પર એટેક કરનારું સ્ટેન્ડઑફ વેપન છે. આ પહેલા ઈન્ડિયન નેવીના મિગ-29ના ફાઈટર જેટ્સમાં તેને લગાવવામાં આવ્યું હતું. આ મિસાઈલો વાયુસેના અને નેવી માટે ખુબ જ ફાયદાકારક અને દુશ્મન માટે ઘાતક સાબિત થાય છે.
આ મિસાઈલ માટે ગોવાના ચિકાલિમમાં નવી ટેસ્ટિંગ ફેસિલિટી પણ બનાવાઈ ચૂકી છે. રેમ્પેજ એક લાંબા અંતરની હવાથી જમીન પર હુમલો કરવાની પ્રેસાઈઝ સુપરસોનિક મિસાઈલ છે. આ મિસાઈલ 15 ફૂટ લાંબી છે. જેનું વજન 570 kg છે. આ GPS ગાઈડેડ મિસાઈલ છે જે ઈરાનના S-400 ડિફેન્સ સિસ્ટમને જવાબ આપવા માટે બનાવવામાં આવી હતી.

રેમ્પેજ મિસાઈલને રડાર પકડી લે છે પરંતુ તેની ગતિ એટલી વધારે છે કે, તેને ઇન્ટરસેપ્ટ નથી કરી શકાતી. એટલે દુશ્મન ઈચ્છે તો પણ તેને પોતાના ઈન્ટરસેપ્ટર મિસાઈલથી તોડી ન શકે.

રેમ્પેજ મિસાઈલનો ફાયદો ભારતને એવી રીતે મળશે કે તેઓ પોતાના ફાઈટર જેટથી બોર્ડરને પારથી દુશ્મનના કોમ્યુનિકેશન એન્ડ કમાન્ડ સેન્ટર, એરફોર્સ બેઝ, મેન્ટેનન્સ સેન્ટર કે કોઈપણ રીતે બિલ્ડિંગને તોડી શકે છે.

આ મિસાઈલને ઈઝરાયલના એરોસ્પેસ ઈન્ડસ્ટ્રીઝે બનાવી છે. કંપનીના અનુસાર, આ મિસાઈલ કોઈ પણ હવામાનમાં દુશ્મન પર હુમલો કરી શકે છે. આ કોઈપણ હાઈ-વેલ્યૂ ટાર્ગેટને ધ્વસ્ત કરવામાં વધુ સમય નથી લગાવતી. એક વખતમાં કોઈ પણ ફાઈટર જેટ પર ચાર મિસાઈલ લગાવી શકાય છે.