વર્ષ 2014માં, મ્યાનમારની સેનાએ બળવો કર્યો હતો. અને ત્યારથી તે સત્તામાં છે. દેશમાં પરિસ્થિતિ વધુ ખરાબ થઈ ગઈ છે. આતંકવાદી જૂથ અને સેના વચ્ચે સંઘર્ષ ચાલી રહ્યો છે. રાજકીય રીતે, સૌથી મોટા સમાચાર 9 મે 2025 ના રોજ આવ્યા જ્યારે મ્યાનમારના લશ્કરી સરકારના વડા મિન આંગ હ્લેઇંગ અને ચીનના રાષ્ટ્રપતિ શી જિનપિંગ મોસ્કોમાં મળ્યા હતા. મ્યાનમારમાં બળવા પછી આ મુલાકાત પહેલી સીધી મુલાકાત હતી. શી જિનપિંગે મ્યાનમારના સાર્વભૌમત્વ માટે પોતાનો ટેકો પુનરાવર્તિત કર્યો અને કહ્યું કે તેઓ ચીનના આર્થિક હિતોની સુરક્ષાને પ્રાથમિકતા આપશે.

ચીન હવે મ્યાનમારમાં પણ આર્થિક કોરિડોર બનાવી રહ્યું છે. તેણે અત્યાર સુધીમાં લાખો ડોલરનું રોકાણ કર્યું છે અને જે ચીનને સૌથી વધુ હેરાન કરી રહ્યું છે તે ભારતના બે મોટા પ્રોજેક્ટ છે. જેમાંથી પહેલો મલ્ટી મોડેલ ટ્રાન્ઝિટ ટ્રાન્સપોર્ટ પ્રોજેક્ટ કલાદાન પ્રોજેક્ટ અને બીજો એશિયન હાઇવે છે. ચીન ઇચ્છતું નથી કે ભારત-મ્યાનમાર કલાદાન પ્રોજેક્ટ પૂર્ણ થાય, તેથી જ તે આતંકવાદી જૂથને પૈસા અને શસ્ત્રોથી મદદ કરી રહ્યું છે. વન બેલ્ટ રોડના મહત્વાકાંક્ષી પ્રોજેક્ટ હેઠળ, ચીન પાકિસ્તાનમાં CPEC બનાવી રહ્યું છે. જ્યારે તેણે મ્યાનમારમાં પણ આવા જ આર્થિક કોરિડોર પર કામ શરૂ કર્યું છે.