સ્પેન 12 વર્ષ બાદ યુરો કપની ફાઇનલમાં પહોંચ્યું, યમલના શાનદાર પ્રદર્શનથી ફ્રાન્સને 2-1થી હરાવ્યું
July 10, 2024
બર્લિન : સ્પેન અને ફ્રાન્સ વચ્ચે યુરો કપ 2024ની પ્રથમ સેમિફાઈનલ મેચ રમાઈ હતી. જેમાં સ્પેને 2-1થી ફ્રાન્સને હરાવીને ફાઇનલમાં પોતાનું સ્થાન નિશ્ચિત કર્યું છે. આ મેચમાં બંને ટીમોની એક અલગ જ શૈલી જોવા મળી હતી. જેમાં સ્પેનની આક્રમક શૈલીએ આખરે ફ્રાન્સની રક્ષાત્મક રમત પર વિજય મેળવ્યો હતો. સ્પેનની જીતના હીરો લેમીન યમલ અને દાની ઓલ્મો હતા. બંનેએ ટીમ માટે 1-1 ગોલ ફટકાર્યો હતો.
જર્મનીના બર્લિનના આલિયાન્ઝ એરેના ખાતે સ્પેન અને ફ્રાન્સ વચ્ચે યુરો કપ 2024ની પ્રથમ સેમિફાઇનલમાં મેચ રમાઈ હતી. રોમાંચક મેચમાં સ્પેને 2-1થી ફ્રાન્સને હરાવીને 12 વર્ષ બાદ યુરો કપની ફાઇનલમાં પહોંચ્યું છે. ફ્રાન્સે મેચની પ્રથમ 10 મિનિટમાં ગોલ કરીને લીડ મેળવી લીધી હતી, પરંતુ 15 મિનિટ બાદ સ્પેને પ્રથમ ગોલ કરીને સ્કોર બરાબરી કરી દીધો હતો. ત્યારબાદ સ્પેને તરત જ 4 મિનિટમાં જ બીજો ગોલ કરીને આગળ થઈ ગયું હતું.
મેચના પહેલા હાફમાં જ બંને ટીમો દ્વારા ત્રણેય ગોલ કરવામાં આવ્યા હતા. મેચની 7મી મિનિટે ફ્રાન્સના કેપ્ટન કિલિયન એમબાપ્પે દ્વારા ગોલ કરવાનો પ્રયત્ન કરવામાં આવ્યો હતો, પરંતુ તે ગોલ પોસ્ટ સુધી બોલ લઈ જાય તે પહેલા જ જિસસ નવાસે તેની પાસેથી બોલને દૂર કરી દીધો હતો. તો માત્ર બે મિનિટમાં જ બોલ ફરી એમબાપ્પે પાસે આવી ગયો હતો, તેણે વાર લગાડ્યા વગર જ બોલને ટીમના સાથી ખેલાડીને પાસ કર્યો અને કોલો મુઆનીએ કોઈ ભૂલ કર્યા વગર જ ગોલમાં પરિવર્તિત કરીને ટીમને 1-0થી આગળ કરી દીધી હતી.
આગળ ચાલી રહેલી ફ્રાન્સની ટીમની ખુશી લાંબી રહી નહીં અને મેચની 21મી મિનિટે સ્પેનના 16 વર્ષીય લેમિન યમલે ગોલ કરીને સ્કોર 1-1ની બરાબરી પર લાવી દીધો હતો. આ પછી બરાબર 4 મિનિટ બાદ એટલે કે મેચની 25મી મિનિટે દાની ઓલ્મોએ ગોલ કરીને ટીમને 2-1થી આગળ કરી દીધી હતી. સ્પેનનો બીજો ગોલ થતાં જ દર્શકોનો ઉત્સાહ ચરમસીમાએ પહોંચી ગયો હતો. પ્રથમ હાફમાં 2-1થી આગળ ચાલી રહેલા સ્પેનિશ ખેલાડીઓનું જોશ બીજા હાફમાં જોવા મળ્યો હતો. જોકે, મેચની 60મી મિનિટે ફ્રાન્સના ઓસમાન ડેમ્બેલે ક્રોસ ફટકારીને સ્કોરને બરાબરી પર લાવવાનો પ્રયાસ કર્યો હતો, પરંતુ તેના પ્રયાસને સ્પેનના ગોલકીપર ઉનાઈ સિમોને નિષ્ફળ બનાવી દીધો હતો. સ્પેનની લીડ મેચના અંત સુધી અકબંધ રહી હતી અને ટીમે 2-1થી વિજય મેળવીને ફાઈનલમાં જગ્યા બનાવી લીધી હતી.
Related Articles
ન્યૂઝીલેન્ડ સામે બદલો લેશે ટીમ ઈન્ડિયા! પૂણેની પિચ પર વિરાટ અને અશ્વિનનો હશે મહત્ત્વપૂર્ણ રોલ
ન્યૂઝીલેન્ડ સામે બદલો લેશે ટીમ ઈન્ડિયા!...
સરફરાઝની સેન્ચુરી, પંતની ફિફ્ટી, બેંગલુરુ ટેસ્ટમાં ન્યૂઝીલેન્ડ બેકફૂટ પર
સરફરાઝની સેન્ચુરી, પંતની ફિફ્ટી, બેંગલુર...
Oct 19, 2024
બાબર આઝમ ટ્રોલ થયો તો પાકિસ્તાની ફાસ્ટર બોલર બચાવમાં ઉતર્યો, ફેન્સને કહ્યું - આ તો વાહિયાત કહેવાય
બાબર આઝમ ટ્રોલ થયો તો પાકિસ્તાની ફાસ્ટર...
Oct 19, 2024
પાકિસ્તાની મહિલા ક્રિકેટ ટીમે પણ બનાવ્યો શરમજનક રેકોર્ડ, ઓસ્ટ્રેલિયા સામે થયો કારમો પરાજય
પાકિસ્તાની મહિલા ક્રિકેટ ટીમે પણ બનાવ્યો...
Oct 12, 2024
બાંગ્લાદેશ ક્રિકેટ ટીમને બીજો ઝટકો! શાકિબ અલ હસન બાદ વધુ એક દિગ્ગજ લેશે સંન્યાસ!
બાંગ્લાદેશ ક્રિકેટ ટીમને બીજો ઝટકો! શાકિ...
Oct 09, 2024
રોહિત શર્મા ટેસ્ટ ક્રિકેટમાંથી સંન્યાસ લઈ શકે છે, પણ વર્લ્ડકપ 2027માં જરૂર રમશે
રોહિત શર્મા ટેસ્ટ ક્રિકેટમાંથી સંન્યાસ લ...
Oct 08, 2024
Trending NEWS
25 October, 2024
25 October, 2024
24 October, 2024
23 October, 2024
23 October, 2024
23 October, 2024
23 October, 2024
23 October, 2024
21 October, 2024
21 October, 2024
Oct 21, 2024