મુંબઈ  : આજે, સપ્તાહના પ્રથમ ટ્રેડિંગ દિવસે, એટલે કે સોમવાર (17 માર્ચ), સેન્સેક્સ 500 પોઈન્ટથી વધુની તેજી સાથે 74,350 પર ટ્રેડ કરી રહ્યો છે. નિફ્ટીમાં 150 પોઈન્ટથી વધુનો ઉછાળો છે. તે 22,550 ના સ્તર પર કારોબાર કરી રહ્યો છે. મેટલ, ઓટો અને ફાર્મા શેરોમાં ખરીદારી છે.

નિફ્ટી ઓટો ઈન્ડેક્સમાં સૌથી વધુ 1.59%નો વધારો થયો છે. ફાર્મા ઇન્ડેક્સ પણ 1.40%ની તેજી છે. મેટલ ઈન્ડેક્સ 1%થી વધુ વધીને ટ્રેડ થઈ રહ્યો છે. બેન્ક અને ઓઈલ એન્ડ ગેસ ઈન્ડેક્સ અડધા ટકા સુધી વધ્યા છે. આઈટી અને રિયલ્ટી સેક્ટરમાં ઘટાડો જોવા મળી રહ્યો છે.

એશિયન બજારોમાં, જાપાનનો નિક્કેઈ 1.19%, હોંગકોંગનો હેંગસેંગ ઇન્ડેક્સ 1.31% અને ચીનનો શાંઘાઈ કમ્પોઝિટ 0.28%ની તેજી છે.
13 માર્ચે વિદેશી રોકાણકારો (FII)એ રૂ. 792 કરોડના શેર વેચ્યા હતા. આ દરમિયાન સ્થાનિક રોકાણકારો (DII)એ રૂ. 1,723 કરોડના શેર ખરીદ્યા હતા.
14 માર્ચે અમેરિકાનો ડાઓ જોન્સ 1.65% વધીને 41,488 પર બંધ થયો હતો. નેસ્ડેક કંપોઝિટ 2.61% અને S&P 500 ઇન્ડેક્સ 2.13% વધ્યો.

13 માર્ચે સેન્સેક્સ 200 પોઈન્ટ ઘટીને 73,828 પર બંધ થયો. નિફ્ટી 73 પોઈન્ટ ઘટીને 22,397 પર બંધ થયો.

સેન્સેક્સના 30 શેરોમાંથી 8 શેરમાં તેજી અને 22 શેર ઘટ્યા હતા. સ્ટેટ બેંક, ICICI બેંક અને પાવર ગ્રીડના શેર વધ્યા હતા જ્યારે ટાટા મોટર્સ 2.0%, ઇન્ડસઇન્ડ બેંક 1.78% અને ઝોમેટો 1.34% ઘટ્યા હતા.

નિફ્ટીના 50 શેરોમાંથી 12 શેરો વધ્યા જ્યારે 38 શેરો ઘટ્યા. NSE રિયલ્ટીમાં 1.83%, મીડિયામાં 1.50% અને ઓટો સેક્ટરમાં 1.10%નો ઘટાડો થયો હતો.