બિહારના સાસારામમાં એક ભયાનક માર્ગ અકસ્માત થયો છે. અહીં સાબરાબાદમાં નેશનલ હાઈવે પર ઉભેલા ટ્રકને બસ ટક્કર મારી હતી. આ અકસ્માતમાં 3 લોકોના મોત થયા છે અને 15 લોકો ઘાયલ થયા છે. ઘાયલોમાં આઠ મહિલાઓ પણ સામેલ છે. તમામ ઘાયલોને સારવાર માટે સાસારામની સદર હોસ્પિટલમાં દાખલ કરવામાં આવ્યા છે. માહિતી મળતાં જ પોલીસે ઘટનાસ્થળે પહોંચી મૃતદેહોનો કબજો મેળવીને પોસ્ટમોર્ટમ માટે મોકલી આપ્યો હતો.

પોલીસે જણાવ્યું કે અકસ્માતનો ભોગ બનેલા લોકો રાજસ્થાનના રહેવાસી છે. આ લોકો પિંડ દાન કરવા રાજસ્થાનના જલવારના કોટરા ગામથી બસ દ્વારા બોધ ગયા જઈ રહ્યા હતા. આ દરમિયાન બસ રોડની કિનારે ઉભેલી ટ્રક સાથે અથડાઈ હતી. ટક્કર એટલી જોરદાર હતી કે બસમાં મુસાફરી કરી રહેલા ત્રણ લોકો ગોવર્ધન સિંહ, રાજેન્દ્ર સિંહ અને બાલા સિંહના મોત થયા હતા, જ્યારે 15 લોકો ઘાયલ થયા હતા. આ અકસ્માત રવિવારે રાત્રે થયો હતો.