ટોરેન્ટોમાં ટેસ્લા કાર અકસ્માતમાં ગોધરાના સગા ભાઇ-બહેન સહિત ચારનાં મોત
October 26, 2024
ગોધરા : કેનેડાના ટોરેન્ટો શહેરમાં સર્જાયેલા માર્ગ અકસ્માતમાં ગુજરાતના ચાર લોકોનાં મોત થયા છે.જેમાં ગોધરાના સગા ભાઇ-બહેનનો સમાવેશ થાય છે. ગોધરાના પ્રભારોડ પર આવેલી મંગલમૂત સોસાયટીમાં રહેતા સંજય ગોહિલના પુત્રી-પુત્ર કેતુબા ગોહિલ અને નીલરાજ ગોહિલ અભ્યાસ માટે કેનેડા ગયા હતા.ભાઈ-બહેન ગુરુવારે બોરસદના બે યુવકો જયરાજ સિસોદીયા, દિગ્દિવજય સાથે ટેસ્લા કારમાં જઇ રહ્યા હતા ત્યાર કાર થાંભલા સાથે અથડાઇ હતી. આ અકસ્માતમાં કુલ ચાર લોકોના મોત થયા છે જ્યારે એક યુવતી બચી ગઇ છે.અકસ્માતની જાણ થતા ગોધરા અને બોરસદમાં રહેતા પરિવારજનો ઉપર આભ ફાટી પડયું છે.
ગોધરા શહેરના પ્રભા રોડ ઉપર આવેલી મંગલમૂત સોસાયટીમાં રહેતા સંજયસિંહ ગોહિલની ૨૯ વર્ષીય મોટી પુત્રી કેતુબા ગોહિલ ૬ વર્ષ પહેલાં કેનેડા ગઈ હતી, જ્યાં અભ્યાસ બાદ તે હાલમાં લેબ ટેકનીશિયન તરીકે જોબ કરતી હતી. સંજય ગોહિલનો ૨૫ વર્ષીય પુત્ર નીલરાજ ગોહિલ દસ માસ પહેલાં સ્ટુડન્ટ વિઝા પર કેનેડા ગયો હતો. તે મોટર ડિઝાઇનના અભ્યાસની સાથે નોકરી પણ કરતો હતો. ભાઇ-બહેન કેનેડાના બ્રેમટન સિટીમાં રહેતા હતા. તેઓની સાથે બોરસદના જયરાજ સિસોદીયા, દિગ્વિજય અને ઝલક પટેલ પણ રહેતા હતા.
ભાદરણ કોલેજના અધ્યાપક હરેન્દ્રસિંહ સિસોદીયાનો પુત્ર અને બોરસદ વિધાનસભાના પૂર્વ ધારાસભ્ય રાજેન્દ્રસિંહ પરમારનો ભાણેજ જયરાજસિંહ સિસોદિયા પાંચ વર્ષ પહેલા સ્ટુડન્ટ વિઝા પર કેનેડા ગયો હતો. તાજેતરમાં તેણે કેનેડીયન સિટીઝનશીપ મેળવી હતી.
દરમિયાનમાં નીલરાજ ગોહિલ અભ્યાસમાં પ્રથમ આવતા કેનેડાના સમય અનુસાર બુધવારની રાત્રે મિત્રો અને બહેન સાથે જમવા માટે ગયા હતા, જ્યાં જમીને ભાઈ-બહેન સહીત પાંચેય મિત્રો ટેસ્લા કારમાં પરત આવતા હતા, ત્યારે કેનેડાના ટોરન્ટો શહેરમાં લેક શોર પાસે ચેરી સ્ટ્રીટ રોડ પર ટેસ્લા કાર થાંભલા સાથે કાર ટકરાઈ હતી, થાંભલા સાથે અથડાયા બાદ કાર ભડભડ સળગવા લાગી હતી અને બ્લાસ્ટ થયો હતો. આ ગંભીર અકસ્માતમાં ભાઈ-બહેન સહિત ચારેય ગુજરાતી બળીને ભડથું થઇ ગયા હતા. જોકે ઝલક પટેલ નામની યુવતીને રસ્તે પસાર થતાં અન્ય ચાલકોએ સમયસૂચકતા વાપરીને બહાર કાઢી લેતા તે બચી ગઇ છે. તેને હોસ્પિટલમાં દાખલ કરી છે.
Related Articles
કેનેડામાં સૌથી વધુ બોલાતી ભાષાઓમાં ગુજરાતી ત્રીજા ક્રમે
કેનેડામાં સૌથી વધુ બોલાતી ભાષાઓમાં ગુજરા...
ટ્રુડોની વિઝા પોલિસીના કારણે ભારતીય વિદ્યાર્થીઓ જ નહીં, કેનેડાને પણ નુકસાન થશે
ટ્રુડોની વિઝા પોલિસીના કારણે ભારતીય વિદ્...
Oct 25, 2024
કેનેડાના રાજદ્વારીએ ઝેર ઓક્યું, કહ્યું - નિજ્જર-પન્નુ પર એક તીરથી નિશાન તાકી રહ્યું હતું ભારત
કેનેડાના રાજદ્વારીએ ઝેર ઓક્યું, કહ્યું -...
Oct 20, 2024
ભારતમાં આતંકી ગતિવિધિમાં કેનેડિયન અધિકારીનું નામ સામેલ, ઈન્ડિયાએ ટ્રૂડો સરકારને મોકલી વિગતો
ભારતમાં આતંકી ગતિવિધિમાં કેનેડિયન અધિકાર...
Oct 19, 2024
'બાકી ભારતીય રાજદ્વારીઓ પણ નોટિસ પર..', ભારત સાથે બબાલમાં કેનેડાના વિદેશ મંત્રીએ ઘી હોમ્યું
'બાકી ભારતીય રાજદ્વારીઓ પણ નોટિસ પર..',...
Oct 19, 2024
ભારત પર આરોપ મૂકવાની જરૂર શું હતી...' કેનેડાના NSAએ PM ટ્રુડો સામે ઊઠાવ્યાં સવાલ
ભારત પર આરોપ મૂકવાની જરૂર શું હતી...' કે...
Oct 18, 2024
Trending NEWS
28 October, 2024
28 October, 2024
28 October, 2024
28 October, 2024
28 October, 2024
27 October, 2024
27 October, 2024
27 October, 2024
27 October, 2024
27 October, 2024
Oct 27, 2024