એમેઝોનના સ્થાપક જેફ બેઝોસ અને તેની ગર્લફ્રેન્ડ લોરેન સાંચેઝે સગાઈ કરી લીધી છે. વિદેશી મીડિયાએ સૂત્રોને ટાંકીને આ માહિતી આપી છે. મીડિયા રિપોર્ટ્સ અનુસાર, જેફ બેઝોસ અને તેની ગર્લફ્રેન્ડ સાંચેઝ હાલમાં કાન્સ ફિલ્મ ફેસ્ટિવલ માટે ફ્રાન્સમાં છે, જ્યાં તેઓ સ્ટાર-સ્ટડેડ પાર્ટી સર્કિટમાં સામેલ થઈ રહ્યા છે. મહિનાઓથી અફવાઓ ચાલી રહી છે કે આ કપલ લગ્ન કરવા માટે તૈયાર છે. મોટાભાગની અટકળો સાંચેઝ દ્વારા પહેરવામાં આવેલી વિશાળ હાર્ટનાં આકારની વીંટીનાં કારણે શરુ થઇ છે.

મીડિયા રિપોર્ટ્સમાં કહેવામાં આવ્યું છે કે બેઝોસ અને ભૂતપૂર્વ બ્રોડકાસ્ટ જર્નાલિસ્ટ લોરેને 2018માં એકબીજાને ડેટ કરવાનું શરૂ કર્યું હતું. તે પછી 2019માં જાણ કરવામાં આવી હતી કે તેઓ એક દંપતી છે, પરંતુ બેઝોસ તેની 25 વર્ષની પત્ની મેકેન્ઝી સ્કોટથી છૂટાછેડાને અંતિમ સ્વરૂપ ન આપે ત્યાં સુધી બંનેએ આ બાબતને લો પ્રોફાઇલ રાખી હતી. બેઝોસ અને મેકેન્ઝીને ચાર બાળકો છે.