હવામાન વિભાગે રાજ્યમાં એક વાગ્યા સુધીમાં સાર્વત્રિક વરસાદની આગાહીનું નાઉકાસ્ટ બુલેટિન જાહેર કર્યું છે. હવામાન વિભાગે ભરુચ અને સુરતમાં રેડ એલર્ટ જાહેર કર્યું છે. મધ્ય અને દક્ષિણ ગુજરાતમાં ઓરેન્જ એલર્ટ જાહેર કરવામાં આવ્યું છે. વલસાડ, ડાંગ, નવસારી, તાપી,નર્મદા,છોટા ઉદેપુર, વડોદરા, પંચમહાલ, દાહોદ, આણંદ,ખેડા, મહીસાગર, અરવલ્લી, સાબરકાંઠા, પોરબંદર,જુનાગઢ, ગીર સોમનાથ, અમરેલી અને ભાવનગરમાં વરસાદનું ઓરેન્જ એલર્ટ જાહેર કરવામાં આવ્યું છે. રાજ્યમાં આજે બપોરે એક વાગ્યા સુધીમાં ભારેથી અતિભારે વરસાદની શક્યતાઓ સેવાઈ રહી છે.

રાજ્યમાં આજે અમદાવાદ અને ગાંધીનગરમાં આજે ભારે વરસાદની આગાહી કરવામાં આવી છે. દાહોદ, વડોદરા, છોટાઉદેપુર, વડોદરા, પંચમહાલ, સુરત, વલસાડ, નવસારી, નર્મદા,અમરેલી,ભાવનગર,જૂનાગઢ, ગીર સોમનાથ, પોરબંદર, રાજકોટ, બોટાદ, સુરેન્દ્રનગર, આણંદ, ખેડા, મહીસાગર, અરવલ્લી, બનાસકાંઠા, સાબરકાંઠા, મહેસાણા, પાટણ, તાપી, ડાંગમાં ભારેથી અતિભારે વરસાદની આગાહી કરવામાં આવી છે. અપર એર સાયક્લોનિક સર્ક્યુલેશન સિસ્ટમ હાલ સૌરાષ્ટ્ર કચ્છ તરફ સક્રિય હોવાથી ભારે વરસાદની આગાહી કરાઈ છે.