નેધરલેન્ડ્સ- એક ડચ ઇતિહાસકારને નેધરલેન્ડ્સમાં 1000 વર્ષ જૂનો મધ્યયુગીન સોનાનો ખજાનો મળ્યો છે. દફનાવવામાં આવેલા ખજાનામાં ચાર સોનેરી કાનના પેન્ડન્ટ, સોનાના પાનની બે પટ્ટીઓ અને 39 ચાંદીના સિક્કા પણ સામેલ હતા. આ માહિતી ડચ નેશનલ મ્યુઝિયમ ઓફ એન્ટિક્વિટીઝ દ્વારા આપવામાં આવી છે. મ્યુઝિયમના ડાયરેક્ટરના જણાવ્યા અનુસાર દેશમાં આ ઐતિહાસિક શોધ દરમિયાન મળેલા સોનાના ઘરેણા અત્યંત દુર્લભ છે. જો કે, આ ખજાનો શા માટે અને કોના દ્વારા દફનાવવામાં આવ્યો તે અંગે હાલ તો રહસ્ય જ રહેશે.

રોઇટર્સમાં છપાયેલા અહેવાલ અનુસાર, 27 વર્ષીય લોરેન્ઝો રુઇજટર (Lorenzo Ruijter) 10 વર્ષની ઉંમરથી જ ખજાનાની શોધ કરતો હતો. વર્ષ 2021 માં તેણે મેટલ ડિટેક્ટરનો ઉપયોગ કરીને નેધરલેન્ડના નાના શહેર હૂગવુડમાં સોનાનો ખજાનો શોધી કાઢ્યો. મીડિયાને માહિતી આપતા રુઈઝરે કહ્યું કે આટલી કિંમતી વસ્તુ શોધવી મારા માટે ખૂબ જ ખાસ વાત હતી. હું ખરેખર તેના વિશે કહી શકતો નથી. મેં ક્યારેય આના જેવું કંઈપણ મળવાની અપેક્ષા નહોતી કરી.