લોનથી લઈને ભાડાપટ્ટા સુધી ગુજરાતનાં બજેટમાં સ્ટેમ્પ ડ્યુટી પર ત્રણ મોટી રાહત
February 20, 2025

ગુજરાત રાજ્યનું વર્ષ 2024-25 નું બજેટ બુધવારે (20 ફેબ્રુઆરી) નાણાંમંત્રી કનુભાઈ દેસાઈ દ્વારા બજેટ રજૂ કરવામાં આવ્યું છે. જેમાં તેમણે જણાવ્યું કે, Ease of Living ના મંત્રને લક્ષ્યમાં રાખીને સરકાર દ્વારા ગુજરાત સ્ટેમ્પ અધિનિયમ-1958ની જોગવાઈમાં સરળીકરણ કરી પ્રજાલક્ષી સુધારાઓ આવરી લેતું વિધેયક રજૂ કરવામાં આવશે, જેમાં અમુક સુધારા કરવામાં આવશે.
કનુભાઈ દેસાઈએ આ વિશે વધુ વાત કરતાં કહ્યું કે, વારસામાં મળતી સંપત્તિમાં આવસાન પામેલી દીકરીના વારસદારો દ્વારા કરવામાં આવતા હક કમીના લેખ પર, વર્તમાન 4.90% સ્ટેમ્પ ડ્યુટીના બદલે પુત્રોના વારસદારોની જેમ ફક્ત 200 રૂપિયાની સ્ટેમ્પ ડ્યુટી ભરપાઈ કરવાની રહેશે.
ગુજરાત સ્ટેમ્પ અધિનિયમ-1958ની જોગવાઈ મુજબ, વર્તમાન સમયમાં રૂપિયા 1 કરોડ સુધીની મોર્ગેજ લોન પર 0.25% લેખે મહત્તમ 25 હજાર રૂપિયાની સ્ટેમ્પ ડ્યુટી ભરપાઈ કરવાની થાય છે. જે ઘટાડીને હવે મહત્તમ 5 હજારની સ્ટેમ્પ ડ્યુટી ભરપાઈ કરવાની રહેશે. જેથી હાઉસિંગ લોન ધારકો તેમજ નાના ઉદ્યોગકારો જેવા વર્ગોને આર્થિક લાભ થશે તેમજ સરળતા વધશે.
એક વર્ષ કરતાં ઓછા સમયગાળાના ભાડાપટ્ટાના લેખ પર સરેરાશ વાર્ષિક ભાડાની રકમ પર 1% સ્ટેમ્પ ડયુટી ભરવાની જોગવાઇ છે. જેના સ્થાને રહેણાંક માટે 500 રૂપિયા તથા વાણિજ્ય માટે 1000 રૂપિયાની સ્ટેમ્પ ડ્યુટી લેવામાં આવશે તેમજ અન્ય સમયગાળાના ભાડાપટ્ટાના લેખ માટે લાગુ પડતા દરોનું સરળીકરણ કરવામાં આવશે. આ ઉપરાંત, નાગરિકો અને નાના ઉદ્યોગકારોના સમય અને શક્તિનો બચાવ થાય તે હેતુસર, ગીરોખત, ગીરોમુકિત લેખ, ભાડા પટ્ટા લેખ કરવા માટે સબ રજીસ્ટ્રાર કચેરીઓમાં જવાને બદલે, ઘરે બેઠા ઇ-રજીસ્ટ્રેશનની સુવિધા ટૂંક સમયમાં પૂરી પાડવામાં આવશે.
ગ્રીન ગ્રોથની સંકલ્પનાને સાકાર કરવાના ભાગરૂપે પર્યાવરણની જાળવણી અને સંવર્ધન માટે જે ઇલેક્ટ્રીક વાહનો પર હાલમાં 6% સુધી ઉચ્ચક(Lumpsum) વ્હીકલ ટેક્સ અમલમાં છે, તેવા સંપૂર્ણપણે ઇલેક્ટ્રીક બેટરીથી સંચાલિત વાહનો પર 1 વર્ષ માટે 5% સુધી રીબેટ આપી અસરકારક 1% લેખે વેરાનો દર રાખવાનો પ્રજાલક્ષી અને પર્યાવરણલક્ષી નિર્ણય કરેલ છે. વેરાના દરમાં વધુ સરળીકરણ માટે મેક્સી કેટેગરીમાં પેસેન્જર વહનની ક્ષમતા મુજબ હાલના ૮% તથા ૧૨%ના દરને બદલે એક જ દર એટલે કે ૬% દર રાખવામાં આવશે. જેનાથી રાજ્યના પ્રવાસન ક્ષેત્રને વેગ મળશે.
Related Articles
કચ્છમાં કરુણાંતિકાઃ બસ અને ટ્રક વચ્ચે અકસ્માતમાં પાંચના મોત
કચ્છમાં કરુણાંતિકાઃ બસ અને ટ્રક વચ્ચે અક...
Feb 21, 2025
ગુજરાતમાં બાળક 66,000 રૂપિયાનું દેવું લઈને જન્મે છે', બજેટ કરતાં દેવાનો આંકડો મોટો
ગુજરાતમાં બાળક 66,000 રૂપિયાનું દેવું લઈ...
Feb 21, 2025
જામસાહેબે આશ્રય આપેલા પોલેન્ડના 800 બાળકોનો ઈતિહાસ જાણવા પ્રતિનિધિઓ જામનગરની મુલાકાતે
જામસાહેબે આશ્રય આપેલા પોલેન્ડના 800 બાળક...
Feb 21, 2025
હથકડી પહેરીને નીકળ્યા અમિત ચાવડા સહિતના કોંગ્રેસ ધારાસભ્યો, અમેરિકાથી ભારતીયોને ડિપોર્ટ કરવા પર પ્રદર્શન
હથકડી પહેરીને નીકળ્યા અમિત ચાવડા સહિતના...
Feb 19, 2025
સુરતના માંડવી નજીક ટ્રક અને પીકવાન વચ્ચે સર્જાયો ગમખ્વાર અકસ્માત, 4 શ્રમિકોના મોત, 5ને ઇજા
સુરતના માંડવી નજીક ટ્રક અને પીકવાન વચ્ચે...
Feb 19, 2025
જૂનાગઢ મનપા સહિત 61 નગરપાલિકામાં ભાજપની જીત, કોંગ્રેસનો સફાયો
જૂનાગઢ મનપા સહિત 61 નગરપાલિકામાં ભાજપની...
Feb 18, 2025
Trending NEWS

21 February, 2025

21 February, 2025

21 February, 2025

20 February, 2025

20 February, 2025

20 February, 2025

19 February, 2025

19 February, 2025

19 February, 2025

19 February, 2025