મુંબઈથી કોલકાતા જઈ રહેલી ઈન્ડિગોની ફ્લાઈટમાં એક મુસાફરે એક પરેશાન વ્યક્તિને થપ્પડ મારી દેતાં હોબાળો મચી ગયો હતો. આ વીડિયો સોશિયલ મીડિયા પર વાયરલ થયા બાદ હોબાળો મચી ગયો હતો. ફ્લાઇટમાં રહેલા અન્ય મુસાફરો થપ્પડ મારનાર વ્યક્તિ પર ગુસ્સે ભરાયા હતા. 

હવે સમાચાર એ છે કે માર મારનાર વ્યક્તિ સામે કાર્યવાહી કરવામાં આવી છે. જ્યારે ઈન્ડિગોની ફ્લાઈટ મુંબઈમાં ઉડાન ભરવાની તૈયારી કરી રહી હતી, ત્યારે એક પરેશાન મુસાફરને અચાનક ગભરાટ થવા લાગી અને તે રડવા લાગ્યો અને પ્લેનમાંથી નીચે ઉતારવા માટે વિનંતી કરવા લાગ્યો. આનાથી ફ્લાઈટમાં હોબાળો મચી ગયો અને ટેકઓફ કરવા માટે તૈયાર મુસાફરોમાં ગભરાટ ફેલાઈ ગયો હત. 

પીડિત પ્લેનની ગેલેરીમાં આમતેમ ફરતો હતો અને ક્રૂ તેને સમજાવવાનો પ્રયાસ કરી રહ્યા હતા. આ દરમિયાન બીજા મુસાફરે પીડિતને થપ્પડ મારી દીધી. ત્યાં હાજર મુસાફરોએ વિરોધ કર્યો અને પૂછ્યું કે તેણે તેને શા માટે થપ્પડ મારી. આના પર આરોપીએ જવાબ આપ્યો કે હું મુશ્કેલીમાં છું. આરોપીની ઓળખ હાફિઝુલ રહેમાન તરીકે થઈ છે.