ICC ક્રિકેટ વર્લ્ડ કપની ફાઈનલ મેચમાં ભારતીય ટીમને 6 વિકેટે હારનો સામનો કરવો પડ્યો. આ હાર સાથે જ ભારતીય ટીમ ખિતાબ જીતવાનું સપનું તૂટી ગયું હતું. તો કાંગારૂઓ રેકોર્ડ છઠ્ઠીવાર ચેમ્પિયન બન્યું હતું. આ હાર સાથે જ ટીમ ઈન્ડિયાના પ્લેયર્સ અને ફેન્સનું દિલ તૂટ્યું. કેપ્ટન રોહિત શર્મા, વિરાટ કોહલી, મોહમ્મદ સિરાજની આંખમાંથી આંસુ સરી પડ્યા હતા. આ તસવીરો જોઈને તો ફેન્સ પણ ભાવુક થયા હતા. ત્યારે ભારતના વડાપ્રધાન મોદી ડ્રેસિંગ રૂમમાં જઈને ભારતીય ટીમને મળ્યા અને તેમને હિંમત આપી હતી.

ભારતીય ટીમની હાર પછી ભારતના પ્રધાનમંત્રી નરેન્દ્ર મોદી પણ પોતાના ખેલાડીઓનો ઉત્સાહ વધારવા ડ્રેસિંગ રૂમ પહોંચ્યા હતા. મોહમ્મદ શમીએ આનો એક ફોટો પણ શેર કર્યો, જેમાં તે વડાપ્રધાનને ગળે લગાવીને ઇમોશનલ થઈ ગયો. શમીએ આ ફોટો શેર કરીને લખ્યું, 'કમનસીબી કાલે અમારો દિવસ નહોતો. આખા ટુર્નામેન્ટમાં અમારી ટીમ અને મને સમર્થન કરવા માટે બધા ભારતીય ફેન્સનો આભારી છું. PM મોદીનો પણ આભારી છું, જેમણે મને વિશેષ રૂપથી ડ્રેસિંગ રૂમમાં અમારો ઉત્સાહ વધાર્યો. અમે કમબેક કરીશું.'