બીઆર ચોપરાની ફેમસ ટીવી સીરિયલ 'મહાભારત'માં શકુની મામાની ભૂમિકા ભજવનાર એક્ટર ગૂફી પેન્ટલ હોસ્પિટલમાં દાખલ છે. અભિનેતાની અચાનક તબિયત લથડતા તેમને હોસ્પિટલમાં લઈ જવામાં આવ્યા હતા, જ્યાં હવે તેમની તબિયતમાં થોડો સુધારો જોવા મળી રહ્યો છે. ગૂફી પેન્ટલે શકુનીના પાત્રમાં તેના જોરદાર અભિનયથી પ્રાણ ફૂંક્યા. તેમણે ઘણી ફિલ્મો અને સીરિયલ્સમાં પણ કામ કર્યું છે, પરંતુ આજે પણ લોકો તેને શકુની મામાના નામથી જ ઓળખે છે.

અભિનેતા ગૂફી પેન્ટલની તબિયત બગડતાં તેને હોસ્પિટલમાં દાખલ કરવામાં આવ્યા હતા. જોકે હવે સમાચાર આવી રહ્યા છે કે તેમની તબિયતમાં ધીમે ધીમે સુધારો થઈ રહ્યો છે. તબીબોનું કહેવું છે કે ગઈ કાલે તબિયત ખરાબ હતી, પરંતુ હવે થોડો સુધારો છે.

તમને જણાવી દઈએ કે અભિનેત્રી ટીના ઘાઈએ ગૂફી પેન્ટલની સ્થિતિને લઈને એક પોસ્ટ શેર કરી હતી, જેમાં અભિનેતાની તબિયત વિશે જણાવવામાં આવ્યું હતું. પોસ્ટ શેર કરતી વખતે ટીનાએ લોકોને તેના સારા સ્વાસ્થ્ય અને ઝડપથી સાજા થવા માટે પ્રાર્થના કરવાની અપીલ કરી છે.