શિયાળાની ઠંડી, ધુમ્મસભરી સવાર અને ગાઢ ધુમ્મસે દિલ્હી સહિત સમગ્ર ઉત્તર ભારતને ઘેરી લીધું છે. જેના કારણે સામાન્ય જનજીવન પ્રભાવિત થઈ રહ્યું છે. ધુમ્મસના કારણે વિઝિબિલિટી ખૂબ જ ઓછી છે, જેના કારણે હવાઈ અને રેલ વ્યવહાર પ્રભાવિત થઈ રહ્યો છે. શનિવારે સવારે દિલ્હીના IGI એરપોર્ટ પર વિઝિબિલિટી શૂન્ય થઈ ગઈ હતી. જેના કારણે 150થી વધુ ફ્લાઈટો મોડી પડી હતી. જોકે, સવારે 7 વાગ્યા સુધીમાં હવામાનમાં થોડો સુધારો થયો હતો અને વિઝિબિલિટી 100-250 મીટર થઈ ગઈ હતી.

ગાઢ ધુમ્મસને કારણે, ઘણી એરલાઇન કંપનીઓએ મુસાફરોની સુવિધા માટે વિશેષ માહિતી જાહેર કરી છે અને લોકોને વિનંતી કરી છે કે તેઓ એરપોર્ટ પર આવતા પહેલા તેમની ફ્લાઇટ્સનું સ્ટેટસ ચેક કરે. ઈન્ડિગો અને એર ઈન્ડિયા સહિતની એરલાઈન્સે પેસેન્જરો માટે એડવાઈઝરી જાહેર કરી છે, જેમાં જણાવ્યું છે કે ગાઢ ધુમ્મસને કારણે વિઝિબિલિટી ઘટતા દિલ્હી અને ઉત્તર ભારતના ભાગોમાં ફ્લાઈટ કામગીરીને અસર કરી રહી છે.

એરપોર્ટ અધિકારીઓનું કહેવું છે કે ગાઢ ધુમ્મસને કારણે એરપોર્ટ પર ફ્લાઈટ ઓપરેશનને અસર થઈ છે. અધિકારીઓએ કહ્યું કે મુસાફરોને ફ્લાઇટની માહિતી માટે સંબંધિત એરલાઇનનો સંપર્ક કરવા વિનંતી કરવામાં આવે છે અને તે પછી જ તેઓ એરપોર્ટ માટે રવાના થાય છે.