અમદાવાદ  : ગુજરાત પોલીસમાં ઘણા સમયથી બદલ્યોની રાહ જોવાતી હતી, તે આજે એક સાથે 70 IPS (ઈન્ડિયન પોલીસ સર્વિસ)ની બદલી થતાં આતુરતાનો અંત આવ્યો છે. જેમાં ઘણા સમીકરણો સામે આવ્યા છે. જેમાં ગુજરાત પોલીસમાંથી એક જ કહેવાતા પોલીસ અધિકારીઓ સાઈડટ્રેક થયા છે, જ્યારે યુવાનોને મહત્વની તક મળી છે. આજે કરાયેલી બઢતી અને બદલીની વાત કરીએ તો 5 IPSની કેડર પોસ્ટ અપગ્રેડ કરવામાં આવી છે. તો 5 IPSની કેડર પોસ્ટ ડાઉનગ્રેડ કરાઈ છે અને એક IPSને બઢતી આપવામાં આવી છે અને 3 IPSને પગાર વધારો આપવામાં આવ્યો છે. જ્યારે 56 IPSની બદલી કરવામાં આવી છે.

ગુજરાત પોલીસમાં સુપરકોપની ઈમેજ ધરાવતા ઘણા પોલીસ અધિકારીઓને સાઈડ પોસ્ટિંગ થયા છે. જેમાં ગાંધીનગર રેન્જ હવે ચુડાસમાને કરાઈ પોલીસ એકેડેમી, આર બી બ્રહ્મભટ્ટને આઈબી જ્યારે રાજકુમાર પાન્ડિયનને સીઆઇડી ક્રાઈમમાં મૂકવામાં આવ્યા છે. સરકારની અત્યંત નજીક ગણાતા અનુપમસિંહ ગેહલોતને વડોદરા પોલીસ કમિશનરનો તાજ પહેરાવવામાં આવ્યો છે.
બીજી તરફ અમદાવાદ શહેરમાંથી ઝોન ટુ, ઝોન થ્રી અને ઝોન સેવનની બદલી થઈ છે. જ્યારે સેક્ટર વન નીરજ બડગુર્જરને જોઈન્ટ કમિશનરને સંયુક્ત પોલીસ કમિશનર અમદાવાદ ક્રાઈમ બ્રાન્ચ, જ્યારે એડમિન આઈજી બ્રિજેશકુમાર ઝાને અમદાવાદના સેક્ટર 2 સંયુક્ત પોલીસ કમિશનર બનાવવામાં આવ્યા છે. બીજી તરફ વડોદરા શહેરમાં પણ પોલીસ કમિશનરની બદલી કરવામાં આવી છે. જ્યારે સુરત શહેરના પોલીસ કમિશનર અજય તોમર જાન્યુઆરી મહિનામાં નિવૃત્ત થવાના હોવાથી તેમની બદલી કરવામાં આવી નથી.

અમદાવાદ CP તરીકે જ્ઞાનેન્દ્રસિંહ મલિક
ગુજરાત પોલીસમાં આજે એક સાથે આવેલી બદલીઓમાં કહીં ખુશી કહીં ગમ જેવું વાતાવરણ સર્જાયું છે. જેમાં જે લોકો આશા રાખીને બેઠા હતા, તેમને કદાચ પોસ્ટિંગ નથી મળ્યું. જ્યારે જે લોકોને નામ ચર્ચામાં હતા તેઓ પણ સાઈટ થયા છે, એની સાથે આ વખતની બદલીઓમાં સૌથી વધુ યુવાનોને સ્થાન મળી છે. અમદાવાદ શહેરમાં યુવાન આઈપીએસ ઓફિસર આવ્યા છે, જ્યારે એક ક્લીન અને મેચ્યોર છબી ધરાવતા પોલીસ કમિશનર તરીકે જ્ઞાનેન્દ્રસિંહ મલિકને પોસ્ટિંગ આપવામાં આવ્યું છે, જે થોડા સમય પહેલાં સેન્ટ્રલ ડેપ્યુટેશન પર હતા. જેવો ડેપ્યુટેશન પૂર્ણ કરીને પરત આવ્યા ત્યારથી લીવ રિઝર્વમાં હતા અને એમના નામની ચર્ચા હતી. જ્યારે અન્ય લોકોનું નામની જે ચર્ચા હતી, તે માત્ર ચર્ચા જ રહી ગઈ અને અમદાવાદ શહેરને હવે ત્રણ મહિના બાદ કાયમી પોલીસ કમિશનર મળ્યા છે. જે આવતીકાલે પોલીસ કમિશનરનો ચાર્જ સંભાળ છે તેવી શક્યતા છે.
 

અમદાવાદ શહેરમાં જેસીપી ક્રાઈમ સેક્ટર વન અને સેક્ટર 2ની બદલી થઈ ગઈ છે. જ્યારે આ ત્રણ પોસ્ટિંગ અમદાવાદની કી પોસ્ટિંગ ગણાય છે. તેની સાથે અમદાવાદના કાયમી પોલીસ કમિશનર મળ્યા બાદ હવે અમદાવાદ શહેર યુવાન આઈપીએસ અધિકારીઓના હાથમાં છે. તેની સાથે અમદાવાદ શહેરમાં મહિલા અધિકારીઓને તેટલું પ્રધાન્ય મળ્યું છે. જેમાં ઝોન વન, ઝોન ફોર અને ઝોન થ્રી-માં પણ મહિલા અધિકારી મૂકવામાં આવ્યા છે. જ્યારે પહેલાથી કંટ્રોલ ટ્રાફિક જેવી જગ્યાએ પણ મહિલા આઈપીએસ ઓફિસર કાર્યરત છે.

અનુપમસિંહ ગેહલોતને વડોદરા CPની જવાબદારી
વડોદરા પોલીસ કમિશનર તરીકે સરકારના ખૂબ નજીક ગણાતા અનુપમસિંહ ગેહલોતને પોસ્ટિંગ મળ્યું છે. જ્યારે નીરજકુમાર બળગુર્જરને ક્રાઈમ બ્રાન્ચના જેસીપી બનાવવામાં આવ્યા છે. વડોદરા પોલીસ કમિશનર શમશેરસિંહની બદલી કરવામાં આવી છે, જે પણ એક ચોંકાવનારો નિર્ણય કહી શકાય છે.