મધ્યપ્રદેશના મઉગંજ જિલ્લાના ઘુરેહટા ગામમાં 35 વર્ષની એક મહિલા શિક્ષક રેશમા પાંડેએ આત્મહત્યા કરી લીધી છે. તેણી અનેક દિવસોથી ડિજિટલ એરેસ્ટ હતી. સાઇબર ઠગો તેને દિવસ રાત ફોન કરીને નાણાં માંગ્યા કરતા હતા, તંગ આવીને આખરે રેશમાએ અંતિમ પગલું ભરી લીધું હતું. ગંભીર હાલતમાં તેણીને રિવા જિલ્લાની સંજય ગાંધી હોસ્પિટલમાં ભરતી કરવામાં આવી હતી પણ સારવાર દરમિયાન તેનું મોત થયું હતું.

મોત બાદ પર ઠગો તેના ફોન પર ફોન કરતાં રહ્યા હતાં. અહેવાલો અનુસાર રેશમા મઉગંજની પન્નીમાં એક સરકારી હાઇસ્કૂલમાં ગેસ્ટ ટીચર હતી. એક દિવસે તેને ઠગોનો ફોન આવ્યો હતો. ફોન પર કહેવામાં આવ્યું કે તેમના નામનું એક પાર્સલ મળ્યું છે જેમાં શંકાસ્પદ સામાન છે. તે પછી વોટ્સએપ પર પોલીસ અને આર્મીના કપડામાં સજ્જ લોકોના વીડિયો મોકલવામાં આવ્યા અને તેણીને ધમકી આપવામાં આવી કે તેની વિરુદ્ધ એફઆઈઆર દાખલ કરવામાં આવશે.