કેનેડામાં આવેલા બ્રુનસ્વિકમાં એક ભારતીય નાગરિકની ધરપકડ કરવામાં આવી છે. આ શખ્સ સામે વોટર પાર્કમાં યુવતીઓ અને સગીરાઓ સાથે અશ્લીલ ચેનચાળા અને છેડતી કરવાનો આોપ લાગ્યો છે. મોન્કટનસિટીમાં આવેલા એક વોટર પાર્કમાં એક ભારતીય યુવક ડઝન જેટલી યુવતીઓ અને મહિલાઓ સાથે ગંદી રીતે ચેનચાળા કરી રહ્યો હતો. પોલીસે આ શખ્સ સામે 12 લોકોની સાથે આવું કૃત્ય આચરવાનો આરોપ લગાવીને ધરપકડ કરી છે. જો કે બાદમાં તેને છોડી દેવામાં આવ્યો હતો.

મળતી માહિતી અનુસાર, આ ઘટના સાત જુલાઈની દર્શાવવામાં આવી રહી છે. 25 વર્ષીય આ શખ્સ હેલિફેક્સ નોવા સ્કોટિયાનો રહે છે. પોલીસના જણાવ્યા પ્રમાણે આરોપી શખ્સ વોટરપાર્કમાં ફરી રહ્યો હતો અને લોકોને ખોટી રીતે સ્પર્શ કરી રહ્યો હતો. તેની વિરુદ્ધ 12 લોકોએ પુરાવા આપી સાક્ષી તરીકે નિવેદન આપ્યું હતું. જેમાં 16 વર્ષથી ઓછી ઉંમરના હતા. પોલીસે ધરપકડ કરેલા શખ્સની ઓળખ જાહેર નથી કરી. જો કે સોશિયલ મીડિયા પર આરોપી વ્યકિતનો ફોટો વાયરલ થઈ ગયો છે. જેમાં પોલીસ તેની ધરપકડ કરી હતી.