રાજસ્થાનના ચિત્તોડગઢ જિલ્લાની એક સરકારી શાળામાંથી એક અશ્લીલ વીડિયો વાયરલ થઈ રહ્યો છે. જેમાં શાળાના આચાર્ય અને મહિલા શિક્ષક જોવા મળી રહ્યા છે. આ વીડિયો સામે આવ્યા બાદ શિક્ષા વિભાગ દ્વારા બંનેને સસ્પેન્ડ કરી દેવામાં આવ્યા છે. આ સાથે જ આ મામલાની તપાસ માટે સમિતિનું ગઠન કરવામાં આવી રહ્યું છે.

મળતી માહિતી પ્રમાણે, આ મામલો ચિત્તોડગઢના ગંગરાર બ્લોકના રાજકીય ઉચ્ચ માધ્યમિક વિદ્યાલય સાલેરાનો છે. સૂત્રોના જણાવ્યા અનુસાર, શાળાના અન્ય શિક્ષકોએ શંકાને આધારે પ્રિન્સિપાલના રૂમમાં ચોરીથી સીસીટીવી કેમેરા લગાવી દીધા હતા. આ કેમેરામાં પ્રિન્સિપાલ અને શિક્ષિકાને આપત્તિજનક સ્થિતિમાં જોવા મળ્યા છે.

પ્રિન્સિપાલ અને શિક્ષિકાના એક-બે નહીં પર ડઝનેક વીડિયો સામે આવ્યા છે. વીડિયો વાયરલ થયા બાદ શિક્ષણ વિભાગમાં ખળભળાટ મચી ગયો અને જિલ્લા શિક્ષણાધિકારી રાજેન્દ્રકુમાર શર્માએ તાત્કાલિક કાર્યવાહી કરીને બંનેને સસ્પેન્ડ કરી દીધા હતા. આ મામલાની તપાસ માટે શિક્ષણ વિભાગે એક સમિતિની રચના કરી છે. સસ્પેન્શનના સમયગાળા દરમિયાન આચાર્ય અરવિંદ વ્યાસનું મુખ્યાલય રાશમી ખાતે અને મહિલા શિક્ષિકાનું મુખ્યાલય બેગૂં ખાતે નિશ્ચિત કરવામાં આવ્યું છે.