બળવો કે તેની રણનીતિ? વાવ બેઠક પર ભાજપના નેતાએ અપક્ષ તરીકે ઉમેદવારી કરી
October 25, 2024
વાવ : વાવ વિધાનસભાની ચૂંટણી વટનો સવાલ બની ગઇ છે. બનાસકાંઠાની આ હાઇ પ્રોફાઇલ સીટે ગુજરાતના રાજકારણમાં ગરમાયો લાવી દીધો છે. બંને પક્ષો માટે લાંબા સમયથી ચાલી રહેલી મૂરતિયાની શોધ આખરે પુરી થઇ છે. ભાજપ અને કોંગ્રેસે બંને પોતાના ઉમેદવારો જાહેર કરી દીધા છે. ભાજપે સ્વરૂપજી ઠાકોરને ટિકિટ આપી છે, જ્યારે કોંગ્રેસે ગુલાબસિંહ રાજપૂત પર પસંદગીનો કળશ ઢોળ્યો છે.
તો બીજી તરફ તાજેતરમાં મળી રહેલી માહિતી મુજબ ભાજપના ઉમેદવાર માવજીભાઇ પટેલે અપક્ષ તરીકે ઉમેદવારી નોંધાવતાં રાજકીય વાતાવરણમાં ગરમાવો આવી ગયો છે. વાવ વિધાનસભા બેઠક પરથી ભાજપે સ્વરૂપજી ઠાકોરને ટિકિટ આપી હોવાથી માવજી પટેલે બળવો પોકાર્યો છે. માવજી પટેલ છેલ્લા 37 વર્ષથી રાજકીય ક્ષેત્રે સંકળાયેલા છે. 1990 માં માવજી પટેલ જનતાદળમાંથી ચૂંટણી લડ્યા હતા અને જીત પ્રાપ્ત કરી છે. પૂર્વ ધારાસભ્ય રહી ચૂક્યા છે. સમાજ પર સારી એવી પકડ છે.
ઉમેદવારી ફોર્મ ભર્યા બાદ માવજી પટેલએ કહ્યું હતું કે, 'મેં ભારતીય જનતા પાર્ટીના આદેશથી ભાજપમાંથી ફાર્મ ભર્યું છે. સાથે બીજું ફાર્મ પ્રજાની લાગણીથી અપક્ષમાંથી પણ ભર્યું છે. જો પાર્ટી મેન્ડેટ આપશે તો ભાજપમાંથી ચૂંટણી લડશું અને નહીં આપે તો જનતાનો આદેશ લઈ જનતાના પ્રતિનિધી તરીકે ચૂંટણી લડશું. લોકોની લાગણી હતી કે હું ટિકિટની માંગણી કરું. વાવની જનતાના પાયાના પ્રશ્નો પર હું ચૂંટણી લડીશ. વાવ તાલુકાની જનતાને કોઇપણ જાતની તકલીફ ન પડે તેનું ખાસ ધ્યાન રાખીશું. વાવ પંથક વિકાસથી વંચિત ન રહે તે માટે કામ કરવામાં આવશે.'
ભાજપના જ દિગ્ગજ નેતાએ ભાજપમાંથી એક અને અપક્ષમાંથી પણ એક ઉમેદવારી ફોર્મ ભરતા વાવ-બનાસકાંઠાનું રાજકારણ ગરમાયું છે. ત્યારે શું માવજી પટેલે પક્ષના કહેવા પર ભાજપમાંથી ફોર્મ ભર્યું છે કે પછી નારાજગીના કારણે બળવો કરીને અપક્ષમાંથી ફોર્મ ભર્યું છે? એ પણ સવાલ છે કે શું ભાજપને પોતાના ઉમેદવાર સ્વરૂપજી ઠાકોરનું ફોર્મ રદ થવાનો ડર છે? તેથી ભાજપે વધુ એક ઉમેદવાર પાસે ફોર્મ ભરાવવાની રણનીતિ બનાવી હોઈ શકે છે.
Related Articles
નારોલમાં મોટી દુર્ઘટના, ફેક્ટરીમાં ગેસ લીકેજ થતાં 2નાં મોત, 7ને હોસ્પિટલ ખસેડાયાં
નારોલમાં મોટી દુર્ઘટના, ફેક્ટરીમાં ગેસ લ...
ફેસબૂક પર CBI ઈન્સ્પેક્ટર-વોટ્સએપ પર વકીલ, ગઠિયાએ દોઢ લાખ ઠગ્યા
ફેસબૂક પર CBI ઈન્સ્પેક્ટર-વોટ્સએપ પર વકી...
Oct 27, 2024
સુરતની 7 હોટલને બોમ્બથી ઉડાવી દેવાની ધમકી મળતા હડકંપ
સુરતની 7 હોટલને બોમ્બથી ઉડાવી દેવાની ધમક...
Oct 27, 2024
ધરા ધ્રૂજી: અમરેલી, ગીર સોમનાથ અને રાજકોટમાં 3.7ની તીવ્રતાનો ભૂકંપ
ધરા ધ્રૂજી: અમરેલી, ગીર સોમનાથ અને રાજકો...
Oct 27, 2024
દિવાળી ટાણે ફૂડ વિભાગ એક્શનમાં, વિવિધ ખાદ્યપદાર્થોના 185 નમૂના લીધા
દિવાળી ટાણે ફૂડ વિભાગ એક્શનમાં, વિવિધ ખા...
Oct 26, 2024
ગુજરાતના વહીવટી વર્ગ-1ના 79 અધિકારીઓની કરાઈ બદલી, વર્ગ-2ના 44 અધિકારીઓ અપાઈ બઢતી
ગુજરાતના વહીવટી વર્ગ-1ના 79 અધિકારીઓની ક...
Oct 26, 2024
Trending NEWS
27 October, 2024
26 October, 2024
26 October, 2024
26 October, 2024
26 October, 2024
26 October, 2024
26 October, 2024
26 October, 2024
26 October, 2024
26 October, 2024
Oct 27, 2024