Breaking News :
શેરબજારમાં હાહાકાર! સેન્સેક્સ 600 પોઈન્ટ તૂટતાં રોકાણકારોના ₹6 લાખ કરોડ એક ઝાટકે સ્વાહા યુપીના કન્નૌજ ડબલ મર્ડર : લૂંટના ઈરાદે દંપતીની હત્યા કરી પત્નીના મૃતદેહ પર 5 વાર દુષ્કર્મ કર્યું, આરોપીને પોલીસે ગોળીએ વિંધ્યો ફિલિપાઈન્સ ક્વાડની બેઠક ફોટોસેશનમાં PM મોદીએ જમીન પર પડેલું તિરંગાવાળું સ્પોટ માર્કર ઉપાડી સૌનાં દિલ જીત્યાં કાઉન્ટર ટેરરિઝમ ઓપરેશનમાં સુમેળ માટે ફોર્સ-1 અને મહારાષ્ટ્ર ATS હવે એક જ કમાન્ડ હેઠળ કેનેડાનો મોટો નિર્ણય! 2027માં 2 લાખ લોકોને PR મેળવવામાં મદદ મળશે, પરંતુ કોને મળશે આ તક? સુરત-નવસારી વચ્ચે વંદે ભારત ટ્રેન પર પથ્થરમારો, C-4 કોચનો કાચ તૂટતા મુસાફરોમાં ફફડાટ

કેનેડામાં 28 એપ્રિલે સામાન્ય ચૂંટણી યોજાશે:PMએ કહ્યું- ટ્રમ્પનો સામનો કરવા માટે મજબૂત જનાદેશની જરૂર છે, ટેરિફ યુદ્ધ સૌથી મોટું જોખમ

March 24, 2025

ટોરોન્ટો : કેનેડાના વડાપ્રધાન માર્ક કાર્નેએ 28 એપ્રિલે દેશમાં સામાન્ય ચૂંટણીઓની જાહેરાત કરી. તેમણે રવિવારે કહ્યું કે તેઓ યુએસ રાષ્ટ્રપતિ ડોનાલ્ડ ટ્રમ્પ સાથે વ્યવહાર કરવા માટે મજબૂત જનાદેશ ઇચ્છે છે. કેનેડિયન પીએમએ કહ્યું - અમેરિકા
સાથે ટેરિફ યુદ્ધ આપણા માટે સૌથી મોટા ખતરામાંથી એક છે. તેઓ આપણને તોડવા માગે છે જેથી અમેરિકા આપણું માલિક બને, અમે આવું નહીં થવા દઈએ.

કાર્નેએ કહ્યું કે કેનેડાને વધુ સુરક્ષિત બનાવવા માટે હજુ ઘણું કામ કરવાનું બાકી છે. તેમણે ટેરિફ યુદ્ધથી પ્રભાવિત ખેડૂતો અને વ્યવસાયોને મદદ કરવાની યોજનાઓ વિશે પણ નિવેદન આપ્યું. માર્ક કાર્નેએ માત્ર 10 દિવસ પહેલા જ કેનેડાના વડા પ્રધાન
તરીકે શપથ લીધા હતા. તેમણે 9 ફેબ્રુઆરીના રોજ લિબરલ પાર્ટીના નેતા માટે ચૂંટણી જીતી. કાર્નેને 85.9% મત મળ્યા.

કાર્નેએ કહ્યું કે પીએમ તરીકે શપથ લીધા પછી, તેમણે ઓસ્ટ્રેલિયા સાથે એક નવા રાષ્ટ્રીય સંરક્ષણ કરાર પર હસ્તાક્ષર કર્યા, ફ્રાન્સ અને બ્રિટન સાથે સંબંધોને મજબૂત બનાવવા માટે કામ કર્યું અને યુરોપિયન યુનિયન સાથે નવા વેપાર કરાર પર ચર્ચા શરૂ
કરી.

કેનેડાના પીએમએ કહ્યું કે આજના યુવાનોને વધુ મહેનત કરવી પડે છે, પરંતુ તેમ છતાં તેમને ભાડું ચૂકવવામાં અને તેમના બાળકો માટે બચત કરવામાં સમસ્યાઓનો સામનો કરવો પડે છે.

તેમણે કહ્યું, મને ખબર હતી કે આપણા દેશને અમેરિકનો સામે લડવા, ટ્રમ્પના ટેરિફનો સામનો કરવા અને કેનેડાના અર્થતંત્રને સુધારવા માટે પગલાં લેવાની જરૂર છે.

કાર્નેએ કહ્યું કે તેઓ મહિલાઓના ગર્ભપાત અધિકારોનું સમર્થન કરે છે, જેમ કે તેમની લિબરલ પાર્ટી પણ કરે છે.

આ મહિનાની શરૂઆતમાં જાહેર કરાયેલા ચૂંટણી સર્વેમાં લિબરલ પાર્ટી વિપક્ષી કન્ઝર્વેટિવ પાર્ટી કરતાં વધુ લોકપ્રિય હતી. ઇપ્સોસ સર્વેમાં, લિબરલ્સને 38% અને કન્ઝર્વેટિવ્સને 36% સમર્થન મળ્યું.

આ સર્વેના છ અઠવાડિયા પહેલા, કન્ઝર્વેટિવ પાર્ટીને 46% લોકોનું સમર્થન હતું જ્યારે લિબરલ્સને 12% લોકો પસંદ કરતા હતા. છ અઠવાડિયામાં પાર્ટીની લોકપ્રિયતામાં 26%નો જંગી વધારો થયો.

હકીકતમાં, કેનેડા પર ટ્રમ્પના મૌખિક હુમલાઓને કારણે લિબરલ પાર્ટીને ટેકો મળ્યો છે. ઇપ્સોસે જણાવ્યું હતું કે રૂઢિચુસ્તોને ટ્રમ્પ વિરોધી ભાવના અને લિબરલ પાર્ટીના નવા નેતૃત્વ તરફથી પડકારોનો સામનો કરવો પડી રહ્યો છે.

માર્ક કાર્ની એક અર્થશાસ્ત્રી અને ભૂતપૂર્વ સેન્ટ્રલ બેંકર છે. કાર્ને 2008માં બેંક ઓફ કેનેડાના ગવર્નર તરીકે ચૂંટાયા હતા. કેનેડાને મંદીમાંથી બહાર કાઢવા માટે તેમણે લીધેલા પગલાંને કારણે, બેંક ઓફ ઈંગ્લેન્ડે તેમને 2013 માં ગવર્નર પદની ઓફર
કરી.

બેંક ઓફ ઈંગ્લેન્ડના 300 વર્ષના ઇતિહાસમાં આ જવાબદારી સોંપવામાં આવનાર તેઓ પ્રથમ બિન-બ્રિટિશ નાગરિક હતા. તેઓ 2020 સુધી તેની સાથે જોડાયેલા રહ્યા. બ્રેક્ઝિટ દરમિયાન લેવામાં આવેલા નિર્ણયોએ તેમને બ્રિટનમાં પ્રખ્યાત બનાવ્યા.

કાર્ને લિબરલ પાર્ટીમાં ટ્રમ્પના વિરોધી છે. તેમણે ચૂંટણી પહેલા એક ચર્ચા દરમિયાન કહ્યું હતું કે ટ્રમ્પની ધમકીઓને કારણે દેશની હાલત પહેલાથી જ ખરાબ છે. ઘણા બધા કેનેડિયનો વધુ ખરાબ જીવન જીવી રહ્યા છે. ઇમિગ્રન્ટ્સની સંખ્યામાં વધારાને
કારણે દેશની સ્થિતિ વધુ ખરાબ થઈ છે.

કાર્ને તેમના વિરોધીઓ કરતાં તેમના પ્રચાર અંગે વધુ સાવધ હતા. પીએમ પદના ઉમેદવાર બન્યા પછી, તેમણે ચૂંટણીઓ યોજાય ત્યાં સુધી એક પણ ઇન્ટરવ્યુ આપ્યો નહીં.