કેન્દ્રીય તપાસ એજન્સી (સીબીઆઈ) દ્વારા આબકારી નીતિ કેસમાં દિલ્હીના મુખ્યપ્રધાન અરવિંદ કેજરીવાલ અને અન્યો વિરુદ્ધ દિલ્હીની રાઉજ એવન્યૂ કોર્ટમાં આરોપપત્ર દાખલ કર્યું છે. આ કેસમાં કોર્ટે 25 જુલાઈના રોજ મુખ્યપ્રધાન કેજરીવાલની ન્યાયિક કસ્ટડીની મુદતમાં વધારો કર્યો હતો. આ કેસમાં હવે આઠ ઓગસ્ટના રોજ સુનાવણી હાથ ધરવામાં આવશે.

સીબીઆઈએ તિહાડ જેલમાંથી જ કેજરીવાલની ધરપકડ કરી હતી. આ કેસમાં કેજરીવાલ ઉપરાંત પૂર્વ નાયબ મુખ્યપ્રધાન મનીષ સિસોદિયા અને બીઆરએસ નેતા કે. કવિતા પણ વીડિયો કોન્ફરન્સિંગના માધ્યમથી કોર્ટમાં પેશ થયા હતા. રાઉજ એવન્યૂ કોર્ટે મનીષ સિસોદિયાની તેમ જ કે. કવિતાની ન્યાયિક કસ્ટડીની મુદત 31 જુલાઈ સુધી વધારેલી છે.

તે અરસામાં સીબીઆઈ દ્વારા દાખલ થયેલા આ કેસમાં જામીન મેળવવા અરવિંદ કેજરીવાલે કરેલી અરજી પર દિલ્હી હાઇકોર્ટે આજે સુનાવણી હાથ ધરી હતી. હાઇકોર્ટે દિલ્હીના મુખ્યપ્રધાન અરવિંદ કેજરીવાલે કરેલી જામીન અરજી પરનો ચુકાદો સોમવારે અનામત રાખ્યો છે.