અદાણી ગ્રુપના માલિક ગૌતમ અદાણી દુનિયાના ટૉપ-10 અમીરોના લિસ્ટમાંથી બહાર થઈ ગયા છે. બ્લૂમબર્ગ બિલિયોનેર્સ ઇન્ડેક્સના જણાવ્યા પ્રમાણે, એક દિવસમાં અદાણીને 8 બિલિયન ડોલરનું નુક્સાન થયું છે. 29 જાન્યુઆરીએ તેમની નેટવર્થ 92.7 બિલિયન ડોલર હતી, જે સોમવારે ઘટીને 84.4 બિલિયર ડોલર પર આવી ગઈ છે. આનાથી અદાણી ઇન્ડેક્સમાં 11મા સ્થાને આવી ગયા છે.

એક અઠવાડિયામાં અદાણીની નેટવર્થમાં 35.5 બિલિયન ડોલરનો ઘટાડો નોંધાયો છે. 20 નવેમ્બર 2022ના રોજ અદાણીની નેટવર્થ 150 બિલિયન ડોલર પર પહોંચી ગઈ હતી. ત્યાંથી અદાણીની નેટવર્થ અત્યારે 65.6 બિલિયન ડોલર નીચે આવી ગઈ છે. ગૌતમ અદાણીનું ગ્રુપ ભારતમાં સૌથી મોટું પોર્ટ ઓપરેટર છે. આ ગ્રુપ ભારતનો સૌથી મોટો થર્મલ કોલ પ્રોડ્યુસર અને સૌથી મોટો કોલ ટ્રેડર પણ છે.