કોમ્પ્યુટર-લેપટોપ પર કામના કલાકોને કારણે થાય છે પોસ્ચરલની સમસ્યા? અજમાવો આ ઉપાય

January 19, 2022

કોમ્પ્યુટર-લેપટોપ પર કામના કલાકોને કારણે પોસ્ચરલની સમસ્યા સામાન્ય બની ગઈ છે. વર્ક ફ્રોમ હોમ દરમિયાન લેપટોપ પર કામ કરવા માટે અગણિત કલાકો વિતાવવાથી ગરદન જકડાઈ જવાની સમસ્યા વધુ વધી ગઈ છે. દરેક વ્યક્તિ ગરદનના દુખાવા, કમરના દુખાવાની સમસ્યાથી પીડિત છે. જો તમે પણ આમાં સામેલ છો, તો કેટલીક સરળ ટિપ્સ છે જેનાથી તમને ચપટીમાં રાહત મળી શકે છે.

આ ટિપ્સ જરૂર અજમાવો

  • જો ગરદનમાં જકડાઈ જવાની સમસ્યા હોય તો દર થોડીવારે ગરદનને જમણી અને ડાબી બાજુએ ફેરવો. આ દરમિયાન ગરદનને સીધી રાખવાનું યાદ રાખો. ખુરશી પર બેસીને પણ તે કરી શકાય છે. લગભગ 10-10 વખત ગરદનને બંને બાજુએ ફેરવો. તમે દર 2 થી 3 કલાકે આ કરી શકો છો.
  • તમે ખુરશી પર બેસીને સરળ કસરત કરી શકો છો. આ માટે ખુરશી પર આરામથી બેસો અને ગરદનને નીચેની તરફ વાળતી વખતે છાતીથી અડાવી રાખવાનો પ્રયાસ કરો. પછી તેને પાછળની તરફ લેતી વખતે ધીમે ધીમે તેને પીઠ તરફ ખસેડો. આ પણ 2-3 કલાકમાં કરી શકાય છે.
  • ગરદન અકડાઇ જવાના કિસ્સામાં, તેને હીટિંગ પેડથી શેક કરો. તેનાથી તાત્કાલિક રાહત મળે છે. દરરોજ હીટિંગ પેડથી શેક કરવાથી પણ દુખાવામાં રાહત મળશે અને શિયાળામાં તમને સારું પણ લાગશે. પરંતુ વધુ દુખાવો થાય તો તેને અવગણશો નહીં અને ડૉક્ટરનો સંપર્ક કરો.