નવી દિલ્હી- ભારતીય હવાઇ દળમાં 83 નવા તેજસ વિમાનો સામેલ થશે, યુધ્ધ વિમાન તેજસની 48 હજાર કરોડનાં સોદાને કેબિનેટ કમિટી ઓન સિક્યોરિટી (CCS)ની મંજુરી મળી ગઇ છે, વડાપ્રધાનની અધ્યક્ષતામાં CCSએ આ સોદાને મંજુરી આપી દીધી છે, આ સોદા અંગે સંરક્ષણ પ્રધાન રાજનાથ સિંહે નિવેદન પણ આપ્યું છે, તેમણે કહ્યું કે હવાઇ દશને વધુ મજબુત બનાવવા માટે આ નિર્ણય કરવામાં આવ્યો છે. રાજનાથ સિંહે આ સોદાને ગેમ ચેન્જર ગણાવ્યો છે.  
અત્રે ઉલ્લેખનિય છે કે તેજસ હવાથી જમીન પર મિસાઇલથી પ્રહાર કરી શકે છે, તેમાં એન્ટિશિપ મિસાઇલો, બોમ્બ, અને રોકેટ પણ લગાવી શકાય છે, તેજસ 42% કાર્બન ફાઇબર, 43% એલ્યુમિનિયમ એલોય, અને ટાઇટેનિયમથી બનાવવામાં આવ્યા છે.
HAL એ પહેલેથી જ પોતાના નાસિક અને બેંગલુરૂ સ્થિત પ્લાન્ટમાં તેના નિર્માણ માટેની સુવિધાઓ સ્થાપિત કરી દીધી છે, HAL એલસીએ -એમ કે 1 એ ઉત્પાદનને ભારતીય હવાઇ દળને આપશે, તેમણે કહ્યું કે આજે લેવામાં આવેલો નિર્ણય હાલની એલસીએ તંત્રનો બહોળો વિસ્તાર કરશે, અને નોકરીનાં નવી તકો પેદા કરવામાં મદદ કરશે.