ઓસ્ટ્રેલિયન ટીમ ભારત સામે ખાસ ડિઝાઈનવાળી જર્સી પહેરીને મેચ રમશે

November 11, 2020

સિડની : પોતાના દેશમાંજ રહેતા લોકોએ ક્રિકેટમાં જે યોગદાન આપ્યું છે તેઓના સન્માન માટે ઓસ્ટ્રેલિયાની ક્રિકેટ ટીમ ભારત સામે રમાનાર T20 સિરીઝમાં ખાસ ડિઝાઈન કરાયેલી સ્વદેશી જર્સી પહેરીને ઉતરશે.

ક્રિકેટ ઓસ્ટ્રેલિયાએ બુધવારે આ ડિઝાઈન રજૂ કરી હતી, જેને ASICS અને બે ઓસ્ટ્રેલિયન મહિલા આન્ટી ફિયોના ક્લાર્ક અને કર્ટની હેઝેન દ્વારા તૈયાર કરવામાં આવી છે. ક્રિકેટ ડોટ કોમ એયુએ કહ્યું છે કે ક્લાર્ક દિવંગત ક્રિકેટર 'માસ્કિટો' કજેંસની વંશજ છે. જે વર્ષ 1868માં ઇગ્લેન્ડનો પ્રવાસ કરનારી ટીમમાં ઘરેલુ ખેલાડી હતા.

આ ડિઝાઈન ઓસ્ટ્રેલિયા મૂળના ભૂતપુર્વ, વર્તમાન અને ભવિષ્યના ખેલાડીઓને સમર્પિત છે. અત્રે ઉલ્લેખનીય છે કે ઓસ્ટ્રેલિયાની મહિલા ક્રિકેટ ટીમે પણ આ વર્ષની શરૂઆતમાં ઈગ્લેન્ડ સામે એક મેચમાં આ પ્રકારની જર્સી પહેરી હતી. ઓસ્ટ્રેલિયાના ઝડપી બોલર મિશેલ સ્ટાર્કે કહ્યું હતું કે આ પ્રકારની જર્સી પહેરવાની જે તક મળી છે તેને લઈ તે ખૂબ જ રોમાંચિત છે.

ભારતીય ટીમનો ઓસ્ટ્રેલિયા પ્રવાસ 27 નવેમ્બરના રોજ સિડનીમાં ત્રણ વનડે મેચની સિરિઝની પહેલી મેચ સાથે શરૂ થશે. ત્યારબાદ ત્રણ T20 અને ચાર ટેસ્ટ મેચ રમશે.